Avropa İttifaqında Ukrayna üçün gələcək təhlükəsizlik zəmanətləri ilə bağlı konsensus yoxdur...
Poliqon xəbər verir ki, Avropa diplomatiyasının rəhbəri Kaya Kallas bu barədə Financial Times-a müsahibəsində bildirib.
"Bütün əsas oyunçuların görüşməsi vacibdir və biz nə cür əməkdaşlıq etdiyimizi görməliyik. Kimin nə etdiyini və nəticənin nə olduğunu bilməliyik", deyə o vurğulayıb.
Kaya Kallasın fikrincə, Avropa İttifaqı əmin olmalıdır ki, avropalı liderlər Kiyevə boş təhlükəsizlik zəmanətləri verməsinlər.
FT materialında qeyd edilir ki, Avropa paytaxtlarında Ukraynanı ən yaxşı şəkildə necə dəstəkləmək və Ukraynanın təhlükəsizliyini təmin etmək üçün potensial yeni tədbirləri maliyyələşdirmək barədə müxtəlif fikirlər mövcuddur.
Dekabrın 19-da Bloomberg yazıb ki, Aİ liderlərinə münaqişə həll edildikdən sonra Ukraynaya sülhməramlı qüvvələrin bir hissəsi kimi hərbi qüvvələri göndərmək üçün təzyiq oluna bilər.
Poliqon.info
