Azərbaycan Dövlət İqtisad Universitetinin (UNEC) rektoru Ədalət Muradovun məlumatına görə, bu gün UNEC tələbə və məzunları üçün təşkil olunan XV Virtual Karyera Yarmarkası işə başlayıb.
QHT.az xəbər verir ki, iki gün davam edəcək yarmarkada 104 müəssisə 400-dən artıq vakansiya və 20-yə yaxın təcrübə proqramı ilə iştirak edir. Ən çox vakansiya isə "Azərbaycan Hava Yolları" (AZAL) şirkətinə məxsusdur. Yarmarkada təqdim olunan vakansiyalar üzrə maksimum əmək haqqı 3000 AZN, orta aylıq əmək haqqı isə 847 AZN təşkil edir.
UNEC tələbə və məzunlarına karyera imkanlarını genişləndirmək və əmək bazarına daha yaxşı inteqrasiya etmək imkanı yaradan bu tədbir, hər il böyük maraqla qarşılanır.
Uğurlar arzulayırıq!
