"Real Madrid"in yarımmüdafiəçisi Luka Modriç komandasının FİFA Qitələrarası Kubokun finalında qazandığı qələbəni şərh edib.
90deqiqe.Az xəbər verir ki, bu barədə təcrübəli futbolçu sosial şəbəkədəki səhifəsində yazıb.
"Dünyanın ən yaxşı klubu ilə daha bir titul qazandığım üçün çox qürur duyuram." Biz tarix yazmağa davam edirik”
"Real Madrid"lə meksikalı "Paçuka"nın görüşü 3:0 hesabı ilə başa çatıb.
Qeyd edək ki, Qitələrarası Kubok artıq Modriçin "Real Madrid"in tərkibində 28-ci kuboku olub. Xorvatiyalı 2012-ci ildən "Los Blancos"da çıxış edir. Bu mövsüm 39 yaşlı yarımmüdafiəçi bütün yarışlar da daxil olmaqla 25 matçda iştirak edib və 4 məhsuldar ötürmə edib.
