Məlumdur ki, astronavtlar Tianqonq stansiyasında altı ay orbitdə qalacaqlar.
QHT.az xəbər verir ki, Çindən olan iki astronavt, Cai Xiuzhe və Song Lingdong, “Shenzhou 19” missiyası çərçivəsində doqquz saatlıq kosmosda gəzinti edərək Çin astronavtları üçün ən uzun müddətli kosmik fəaliyyətə imza atıblar. Bu, 2001-ci ildə iki amerikalının 8 saat 56 dəqiqəlik rekordunu üstələyə bilər. Astronavtlardan biri, Song Lingdong, kosmosun gözəlliklərinə heyran olduqlarını və insanın kosmik tədqiqatlarının əzəmətini dərindən hiss etdiklərini bildirib. Missiya, “Tiangong” stansiyasının tikintisi və saxlanması çərçivəsində həyata keçirilir. Üçüncü astronavt Vanq Haojie isə daxildən həmkarlarına dəstək verib.
Çin KİV-lərinin məlumatına görə, astronavtlar altı ay orbitdə qalaraq müxtəlif təcrübələr aparacaq və kosmos gəzintiləri həyata keçirəcəklər. Bu missiya Çinin gələcəkdə Aya astronavt göndərmək planlarının bir hissəsidir.
R.İmanov
