Finlandiya gömrükçüləri peçenye qutularında narkotik daşıyan qaçaqmalçının qarşısını alıblar...
Poliqon xəbər verir ki, bu barədə yerli gömrük idarəsinin mətbuat xidməti məlumat yayıb.
Bu payızda Helsinki hava limanında gömrük xidməti 2 milyon avrodan çox marixuana ələ keçirib. Banqkokdan Finlandiyanın paytaxtına gələn əcnəbi nəzarət altında olarkən Espoo şəhərində içində təxminən 13 kq marixuana olan çamadan verməli olduğu şəxslə görüşüb. Bundan sonra hər iki şübhəli saxlanılıb.
İstintaq zamanı məlum olub ki, qaçaqmalçılığın arxasında cinayətkar təşkilat dayanır və onların bəzi üzvlərinin hələ də azadlıqdadır. Narkotik kartelinin Espoo şəhərində böyük bir anbar icarəyə götürdüyü, sonradan biskvit qutularında gizlədilmiş daha 60 kq marixuananın ələ keçirildiyi bildirilir.
Məlum olub ki, ölkəyə gətirilən yüz kiloqrama yaxın narkotikin 30 kiloqramı artıq Finlandiyanın cənub hissəsində satılıb. Narkotik alverçilərinin axtarışı davam edir.
Poliqon.info
