Publika.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.
Qoç - aktivlik, pozitiv yaşam mövqeyi işlərinizdə irəliləyişlərin rəhni olacaq. Yenilikləri əxz edin, peşəkar fəaliyyət müstəvisində nailiyyətlərə can atın. Təcrübə əldə etməyə çalışın.
Addımlarınızı təhlil edin, nöqsanlarınızı anlamağa çalışın. Əks təqdirdə sizə sərt irad tutanlar olacaq.
Günün ikinci yarısında bahalı texnika və ya qacet almayın. Aldığınız əşya sizi məmnun etməyəcək.
Axşam saatlarında yaxınlarınızla təmaslarla qarşılıqlı etimad və sayğı böyük önəm daşıyır. Situasiyaları yanlış dəyərləndirməyin. Ailə üzvləri ilə ünsiyyətdə səbrli olun.
Buğa - bu gün bütün planlar və arzularınızın reallaşacağını düşünməyin. Yaxın ətrafınızdakı insanların problemlərini həll etmək, yaranmaqda olan münaqişələrin qarşısını almaq, işdə və ya təhsildəki çətinlikləri aradan qaldırmalı olacaqsınız. İnadkar və qətiyyətli olsanız, irəliləyəcəksiniz.
Günün ikinci yarısında tərəfdaşınız müstəqillik fikrinə düşə bilər. Mübahisələrdə emosional olmayın.
Ailədəki situasiyanın nəzarətdən çıxmasına imkan verməyin. Qıcıqlı davranmayın, qarşı tərəfin fikirlərini soyuqqanlı şəkildə dinləyin. Kompromisə meylli olun. Yaradıcılıq üçün axşam saatları münasibdir.
Əkizlər - passivlik etməyin, süstlüyə qapılmayın. Yaxın gələcəkdəki maddi rifahınızı düşünün. Yaxın ətrafınızdakı kiçik mübahisələr və anlaşılmazlıqlara rəğmən tövrünüzü pozmayın. Əmək məhsuldarlığınız yüksək olmalıdır.
Günün ikinci yarısında emosiyalarınıza nəzarət edin. Sizi təbdən çıxarmağa çalışacaqlar.
Ailə üzvlərinin tapşırıqlarının hamısını yerinə yetirmək, nəyisə yaddan çıxarmaq asan deyil. Evdəkilərlə mübahisə etməyin. Sadəcə, səhvinizi etiraf edin.
Axşam saatlarını səhhətinizə həsr edin.
Xərçəng - məsuliyyətli və intizamlı olsanız, məqsədə çata bilərsiz. Tapşırıqlara pis yanaşıbsınızsa, tənqid və iradlar gecikməyəcək. Yaxın ətrafınızdakı insanlardan biri haqqınızda şayiələr yayır.
Alış-verişi, uzunmüddətli səfəri təxirə salın. Yolda diqqətli davranın.
Günün ikinci yarısında yaxınlarla təmaslarda inadkarlıqla tənqidə dözümsüzlük sizə qarşı olacaq. Ailə üzvlərini anlamağa çalışın. Emosional "partlayış"lara yol verməyin.
Şir - inadkar, cəsur, qətiyyətli olun. Sizə önəm verən insanların qədrini bilin. Tam, total azadlıq olmadığı üçün xam xəyallara düşməyin.
Özünüzə inamınız itməsin.
Günün ikinci yarısında yaxın ətrafınızdakı insanlarla maliyyə məsələlərinə görə mübahisə etməyin. Aldanmaq, fırıldaq qurbanı olmaq istəmirsinizsə, yaxşı bələd olmadığınız insanlara işləri həvalə etməyin.
Ailədə münaqişəli vəziyyət yaranır. Bunun səbəbi rutin davranış çərçivələrindən kənara çıxmaq istəyinizdir.
Axşam saatlarında gəzintiyə çıxın. Pəhriz saxlayın. Rasiona nəzarət edin.
Qız - işlərdə aktivlik üçün əlverişli zamandır. Yalnız öz qüvvənizə bel bağlayın. Kommersiya və ya bizneslə məşğulsunuzsa, yeni taktika, strategiya barədə düşünün.
Ticarət sahəsində anlaşma, müqavilə zamanı deyil. Sərmayə və ya alış-verişi təxirə salın.
Günün ikinci yarısında xırda detal, nəzərə çarpmayan ünsür işlərə maneələr yarada bilər.
Yaxınlarınızla münasibətlərdə möcüzə olmayacaq. Onlar işlərin çoxunu sizə "həvalə" etməyə çalışacaqlar.
Subaysınızsa, düşüncə tərziniz, ünsiyyət çevrəniz və ya yaşam modelində dəyişikliklərə başlayın.
