Mozambikdə "Çido" qasırğası nəticəsində ölənlərin sayı 94-ə yüksəlib. Sürəti saatda 260 kilometrə çatan qasırğada 768 nəfər xəsarət aldığı halda, qasırğadan təxminən 622 min adam zərər çəkib.Milli Fəlakət Riskinin İdarə Edilməsi və Azaldılması İnstitutu (INGD) dekabrın 15-də "Çido" qasırğasının ölkənin Hind okeanı sahillərini vurduğunu açıqlayıb.Qasırğa nəticəsində həyatını itirənlərin sayı 94-ə yüksəlib.Açıqlamada sürəti saatda 260 kilometrə çatan qasırğada 768 nəfərin yaralandığı, təxminən 622 min adamın isə qasırğadan zərər çəkdiyi bildirilib.52 sağlamlıq mərkəzinin, 89 ictimai binanın və 250 məktəbin zərər gördüyü qasırğada təxminən 140 min evin qismən və ya tamamilə dağıldığı bildirilib.
