Qırğızıstanda deputat Doston Bekeşev narkotik dərmanların leqallaşdırılmasını təklif edib. O bildirib ki, dövlət narkotiklərlə mübarizə siyasətinə yenidən baxmalı və bir qədər rahatlıq verməlidir.
Hafta.az-ın yazdığına görə, bu barədə “Klopp” məlumat yayıb.
“İnsan zəif məxluqdur. Əgər əvvəllər spirtli içki və narkotik istifadə edibsə, ona qayıda bilər. Amma müəyyən etmək lazımdır ki, ziyan harada az, harada çoxdur. Sintetik narkotiklər böyük bəladır. 19 yaşlı qız və oğlanların klublarda narkotikdən istifadə etməsi çox üzücüdür”, - Bekeşev bildirib.
Deputat “hamını qanunsuz sahəyə sövq etmək” əvəzinə, heç olmasa bir növ bu cürdərmanların leqallaşdırılmasını təklif edib. O, bunun inkişaf etmiş ölkələrdə də tətbiq olunduğunu, tam qadağanın gözlənilən nəticəni vermədiyini bildirib.
“Təəssüf ki, biz ora yalnız həbslər, uzun müddətlər və pozulmuş talelər vasitəsilə çatacağıq. Bu məsələni artıq öyrənməyə başlasanız çox yaxşı olardı. Sintetik maddələrə gəlincə, mən tamamilə razıyam - onlara qarşı mübarizə aparmaq lazımdır”, - deyə deputat yekunlaşdırıb.
Milli Məclisdə güclü təsir göstərən maddələrlə mübarizənin gücləndirilməsini nəzərdə tutan bir sıra məcəllə və qanunlara dəyişikliklər edilməsi barədə qanun layihəsi müzakirəyə çıxarılıb. Söhbət narkotik vasitələrin siyahısına daxil olmayan psixoaktiv maddələrdən, habelə psixotrop maddələrdən, onların analoqlarından və prekursorlarından gedir.
Sənədin müəllifi Mədər Əliyevin sözlərinə görə, təkcə 2023-cü ildə Qırğızıstanın Psixiatriya və Narkologiya Mərkəzinə güclü təsir göstərən dərmanlar qəbul etdikdən sonra tibbi yardım üçün 854 müraciət daxil olub. Onlardan 68-i 14 yaşadək yeniyetmələrə aiddir. O, “aptekdən asılılığı” həyəcanverici tendensiya adlandırıb.
