2024-cü ilin yanvar-noyabr aylarında gömrük xətti ilə büdcə daxilolmaları 5% artaraq 6 milyard 2 milyon 253 min manata çatıb.
AzPost bu barədə Dövlət Gömrük Komitəsinə istinadən xəbər verir.
Məlumata görə, gömrük rüsumları üzrə daxilolmalar 1 milyard 632,559 milyon manat (ötən ilin eyni dövrünə nisbətən 9.2% çox), əlavə dəyər vergisi (ƏDV) üzrə daxilolmalar 4 milyard 145,605 milyon manat (4.2% çox), aksizlər üzrə daxilolmalar 184,829 milyon manat (10.2% az), yol vergisi üzrə daxilolmalar isə 39,259 milyon manat (0.02% az) təşkil edib.
