“Sankt-Peterburqda Putin və Paşinyan arasında ayrıca görüş planlaşdırılmır”

Sankt-Peterburqda Ermənistanın baş naziri Nikol Paşinyanla Rusiya Prezidenti Vladimir Putin arasında ayrıca görüşün keçirilməsi planlaşdırılmayıb.

İndex.az Rusiya mətbuatına istinadən xəbər verir ki, bunu RF Prezidentinin mətbuat katibi Dmitri Peskov deyib.

Onun sözlərinə görə, dövlət başçılarının MDB-nin qeyri-rəsmi sammiti çərçivəsində söhbət etmək imkanı olacaq.

Qeyd edək ki, MDB dövlət başçılarının qeyri-rəsmi sammiti dekabrın 25-26-da keçiriləcək.