Peru polisi cizgi filmi qəhrəmanı Qrinçin qiyafəsində narkotiklə mübarizə çərçivəsində əməliyyat keçirib.
Reyting.az xəbər verir ki, əməliyyat paytaxt Limada olub.
Əməliyyat zamanı üç şübhəli saxlanılıb, çoxlu sayda narkotik maddə ələ keçirilib.
Qeyd edək ki, əvvəlki əməliyyatlarda Peru polis əməkdaşları müxtəlif mövzulara uyğun kostyumlar geyinirdilər. Məsələn, Sevgililər Günü əməliyyatı zamanı polis oyuncaq ayı kostyumu geyinərək şübhəli şəxsləri yaxalayıb. Cinayətkarları çaşdırmaq və effektiv nəticə əldə etmək üçün əməliyyatların bu şəkildə qurulduğu vurğulanıb.
V. QULİYEV
