Məşhur britaniyalı musiqiçi, “The Beatles” qrupunun banilərindən biri olan ser Ceyms Pol Makartni Londondan Liverpula qatarla təkbaşına ictimai nəqliyyatda görüntülənib. Bu səfərdə onu nə müşayiət edən şəxs, nə də qoruyan mühafizəçi var. Makartni, 16 dəfə “Qremmi” mükafatına layiq görülmüş, Britaniya İmperiyası ordeni ilə təltif edilmişdir. Onun aktivlərinin ümumi dəyəri təxminən 1 milyard dollar təşkil edir və təkcə ötən il 54 milyon dollar gəlir əldə etmişdir. Buna baxmayaraq, dünyaca məşhur sənətçi sadə həyat tərzi ilə seçilməyə davam edir.
