"Report" xəbər verir ki, bu barədə Türkiyənin "Haber Global" telekanalının hazırladığı süjetdə qeyd olunub.
Süjetdə bildirilir ki, hadisənin arxasında Rusiyanın olduğu üzə çıxıb, indi xeyli sual var: "İçərisində 67 nəfər olan "Azərbaycan Hava Yolları"na məxsus təyyarə çərşənbə günü Qroznıya getmək üçün Bakıdan havaya qalxıb. Lakin o, Çeçenistanın paytaxtına yaxınlaşarkən qəfil marşrutunu dəyişərək Qazaxıstanın Aktau şəhərinə doğru irəliləyib. Təyyarə təcili eniş etmək istəyərkən yerə çırpılıb. Azərbaycan rəsmilərinin məlumatına görə, hadisəyə Rusiyaya məxsus raketlər səbəb olub. Təyyarə Rusiya hava məkanına daxil olarkən Ukrayna PUA-larını vurmağa çalışan Rusiya hava hücumundan müdafiə sistemi tərəfindən hədəfə alınıb. "Pantsir-S" sistemindən atılan raket təyyarənin düz yanında partlayıb. Qəlpə parçaları təyyarənin gövdəsində irili-xırdalı dəliklər yaradıb. Pilotlar qəza siqnalı verib və təcili eniş tələb ediblər, lakin zədələnmiş təyyarənin Rusiyanın iki hava limanına enməsinə icazə verilməyib. Əksinə, təyyarə daha uzağa - Xəzərin o biri sahilindəki Aktau hava limanına yönəlib".
Qeyd olunur ki, bu məqamlar hadisənin məqsədyönlü şəkildə törədildiyini göstərir: "Mütəxəssislərin fikrincə, təyyarənin Xəzər dənizinə düşməsində maraqlı olan qüvvələr ola bilərdi. Çünki Rusiya izi itirə bilərdi. Rusiya Mülki Aviasiya İdarəsinin təyyarənin quş sürüsü ilə toqquşması ilə bağlı açıqlaması da diqqət çəkir. Ehtimal olunur ki, sürətli şəkildə verilən bu bəyanat fikirləri Rusiya raketi ilə bağlı reallıqdan yayındırmağa hesablanıb".
Süjetdə vurğulanıb ki, cavabı tapılmalı olan daha bir neçə sual var: "Həmin vaxtlarda Çeçenistanın hava məkanı niyə mülki təyyarələr üçün bağlı deyildi? Qroznı hava limanında uçuşlar niyə dayandırılmadı? Bu cavabsız sual dəhşətli səhlənkarlığa işarə edir. Bəs bundan sonra nə olacaq? Azərbaycan tərəfi Rusiyanın bilərəkdən və ya bilməyərəkdən məsuliyyətini qəbul edib rəsmi üzr istəməsini gözləyir. Həmçinin 39 nəfərin öldüyü təbii fəlakətin səbəbkarlarının cəzalandırılması tələb olunur. Aktau faciəsindən sonra hava nəqliyyatında təhlükəsizlik xəbərdarlığı davam edir".
10Sources
-
senzor.azPutin İlham Əliyevə zəng etdi və...TƏYYARƏ QƏZASINA GÖRƏ ÜZR İSTƏDİ ( 14501747)
-
sherg.azXalq və hakimiyyətin vəhdəti: Putin və bütün dünya liderləri yaxşı bilirlər ki, İlham Əliyev... -ŞƏRH ( 14498419)
-
kommersant.azPutin İlham Əliyevdən - ÜZR İSTƏDİ ( 14494663)
-
yenisabah.azPutinin üzrxahlığı Rusiya ictimai rəyində: “Gözləmək çirkin görünərdi“ ( 14492397)
-
apress.azDünya mətbuatı Putinin üzrxahlığından YAZIR ( 14488953)
-
hokm.azDünya mətbuatı Putinin üzrxahlığından YAZIR ( 14488885)
-
moderator.azPutinin üzr zəngində 2 vacib məqam: Ukraynaya ehyam… ( 14486129)
-
buta.tvPutinin üzr zəngində 2 vacib məqam: Ukraynaya ehyam… ( 14485869)
-
axar.azPutinin üzr zəngində 2 vacib məqam: Ukraynaya ehyam… ( 14485701)
-
Reportyor.tvBritaniya Xarici İşlər Nazirliyi: “Putinin üzr istəməsində məsuliyyətin etirafı yoxdur” ( 14485333)
