Azərbaycan bu ilin əvvəlindən "Yaşıl Kart" beynəlxalq sığorta sistemi çərçivəsində 6 milyon manatlıq sığorta xidməti ixrac edib.
Fins.az xəbər verir ki, bunu Azərbaycan Mərkəzi Bankının baş direktoru Ziya Əliyev bildirib.
Onun sözlərinə görə, artıq sığortaçılarımız 2 ölkədə (Gürcüstan və Qazaxıstan) "Yaşıl Kart" şəhadətnamələri buraxır:
"Növbəti illərdə daha çox ölkəni əhatə edə və daha çox "Yaşıl Kart" sata bilərik".
Qeyd edək ki, 2016-cı ildən İcbari Sığorta Bürosu Beynəlxalq Bürolar Şurasına üzv olan milli Yaşıl Kart Bürosunun funksiyalarını həyata keçirir. Büro "Yaşıl Kart" sistemi üzrə əlaqələndirici, ixtisaslaşmış təşkilat kimi fəaliyyət göstərməklə, Beynəlxalq Yaşıl Kart Sistemində Azərbaycanı təmsil edir.
Fuad Mədətov
Fins.az
