Rusiyanın BMT Təhlükəsizlik Şurasında ABŞ və Yaponiyanın kosmosda kütləvi qırğın silahlarına dair qətnamə layihəsinə veto qoyması Vaşinqtonun qərar vasitəsilə bu sahədə yeni öhdəliklər yaratmağa çalışması ilə əlaqələndirilib.
Editor.az-ın məlumatına görə, Rusiya Xarici İşlər Nazirliyinin bəyanatında bildirilir ki, Rusiyanın Birləşmiş Millətlər Təşkilatının Təhlükəsizlik Şurasında (BMT TŞ) ABŞ və Yaponiyanın kosmosda kütləvi qırğın silahlarına dair qətnamə layihəsinə veto qoyması Rusiyanın təklif etdiyi dəyişikliklərə məhəl qoymamaqla nəticələnib. Vaşinqtonun bu sahədəki qərarının yeni öhdəliklər yaratmaq cəhdi ilə əlaqəli olduğu bildirilib.
“Vetonun səbəbi təklif etdiyimiz əsaslı dəyişikliklərə məhəl qoymamaqla bağlıdır. Dəyişikliklərə kosmosun bütün növ silahlardan (yalnız kütləvi qırğın silahlarından deyil) azad edilməsi, kosmik obyektlərə qarşı heç bir güc tətbiqinin və ya güc tətbiq etmə təhlükəsinin aradan qaldırılmamasını təmin edən tədbirlərin görülməsi zərurəti haqqında müddəalar daxildir. Bu, həm də müvafiq, hüquqi cəhətdən məcburi olan beynəlxalq sənədin sürətlə hazırlanmasının vacibliyini şərtləndirib”,- deyə açıqlamada bildirilib.
Bəyanatda o da qeyd olunub ki, Rusiya ABŞ-ın BMT Təhlükəsizlik Şurasının platformasından istifadə edərək, kosmik təhlükəsizlik sahəsində mövcud razılaşmalar çərçivəsindən kənara çıxaraq yeni beynəlxalq hüquqi öhdəliklər yaratmağa cəhd göstərdiyi üçün bu qətnamə layihəsinə qarşı çıxıb.
//Gülnarə Abasova, Editor.az
