Ekstrakorporal gübrələmə yolu ilə doğulan uşaqlarda uşaq leykemiyasının inkişaf riski daha yüksəkdir, lakin səbəb texnologiyanın özü deyil, yaşlı insanların buna müraciət etməsi ola bilər.
Publika.az xəbər verir ki, bu barədə “Daily Mail” məlumat yayıb.
Alimlər 8,2 milyondan çox uşağın məlumatlarını təhlil ediblər. Dondurulmuş embrionlardan istifadə edərək doğulanların qan xərçənginə tutulma ehtimalı təbii yolla doğulan uşaqlardan 61 % daha çox olub. Əgər embrionlar dondurulmasaydı, risk də daha yüksək idi: 41 %.
London İmperial Kollecinin reproduktiv endokrinologiya üzrə eksperti, tədqiqatda iştirak etməyən doktor Çanna Jayasena işin əhəmiyyətli bir məhdudiyyətini vurğulayıb. Onun sözlərinə görə, nəticələr valideynlərin yaşını nəzərə almaqla tənzimlənməlidir. Məsələ burasındadır ki, ekstrakorporal gübrələməyə ehtiyacı olan cütlüklər, adətən, təbii yolla uşaq sahibi ola bilənlərə nisbətən daha az sağlam və gənc olurlar. Yaşla yumurta və sperma keyfiyyəti azalır, mikrob hüceyrələrində mutasiyalar baş verir.
