2024-cü ilin yanvar-aprelində istehlakçıların tələbatlarının ödənilməsi məqsədilə satılmış malların və göstərilmiş xidmətlərin dəyəri 21,4 milyard manat olub ki, bu da ötən ilin eyni dövrü ilə müqayisədə 3,8% çoxdur. Bu barədə Dövlət Statistika Komitəsinin məlumatında qeyd olunub.
Bildirilib ki, 4 ayda qeyri-dövlət sektorunun təsərrüfat subyektləri tərəfindən satılmış malların və göstərilmiş xidmətlərin dəyəri 20,5 milyrad manat təşkil edib ki, bu da 2023-cü ilin eyni dövrü ilə müqayisədə 3.8% artım deməkdir.
Dövlət Statistika Komitəsinin məlumatına görə, qeyri-dövlət sektorunun təsərrüfat subyektləri tərəfindən satılmış malların və göstərilmiş xidmətlərin dəyərinin 44,2% fərdi sahibkarların fəaliyyəti sayəsində formalaşıb.
Hesabat dövründə bir istehlakçı 2023 -cü ilin 4 ayı ilə müqayisədə nominal ifadədə 19,9 manat artımla orta hesabla ayda 525,1
manat vəsait xərcləyib.
Aygün Mirakif
www.anews.az
