İngiltərə millisinin və "Bavariya"nın hücumçusu Harri Keyn özünə qarşı münasibətdən danışıb. Sport24.az "The Sun"a istinadən xəbər verir ki, 30 yaşlı hücumçu Münhen təmsilçisinə keçdikdən sonra ona daha çox hörmət edildiyini deyib:.
"Yəqin ki, mən dünyanın ən yaxşı hücumçularından biri kimi hörmət qazanmışam. Bu hörmət "Bavariya"da oynadığım və əla mövsüm keçirdiyimdən qaynaqlanır. "Real", "Barselona" və bütün top klublarda oxşar şeylər olur. Bu baxımdan, bəlkə də indi mənim fərqli auram var".
Qeyd edək ki, forvard 2023-cü ilin yayında "Bavariya"ya keçib. Bu müddət ərzində o, bütün turnirlərdə 45 matçda iştirak edib, 44 qol vurub, 12 qolun ötürməsini verib.
