Ləğv olunan "Meliorasiya və Su Təsərrüfatı" Açıq Səhmdar Cəmiyyətinin sədr müavini Zakir Quliyevə yeni vəzifə verilib.
Mia.az "Unikal"a istinadla xəbər verir ki, bu barədə Azərbaycan Dövlət Su Ehtiyatları Agentliyinin sədri Zaur Mikayılov əmr imzalayıb.
Əmrə əsasən, Zakir Quliyev Regional Su Meliorasiya Xidmətinin rəisi təyin edilib.
Digər əmrlə isə Rafiq Aslanov Suların İstifadəsinə və Mühafizəsinə Dövlət Nəzarəti Xidmətinin rəisi vəzifəsinə təyinat alıb.
Mia.az xatırladır ki, hər iki şəxs meliorasiya sahəsində "dərin kök salmış kilid adamlar" olublar. Onlar ta Əhməd Əhmədzadənin dövründən "Meliorasiya və Su Təsərrüaftı" ASC-də ən güclü fiqurlar sayılırlar. Adları bir çox korrupsiya iddialarında hallanıb. Ancaq onları heç kəs vəzifədən uzaqlaşdıra bilməyib...
Xatırladaq ki, Zakir Quliyev 1 aprel 1966-cı ildə Sabirabad rayonunda anadan olub.
Rafiq Aslanova gəldikdə isə, o, 1962-ci ildə Füzuli rayonunda anadan olub.
MİA.AZ
