“Rivian” və “Volkswagen” elektrik avtomobilləri və proqram təminatının inkişafı üçün birgə müəssisə yaratmaq planlarını açıqlayıblar. O, 2024-cü ilin dördüncü rübündə istifadəyə verilməlidir.
Avtomobil istehsalçısı 2025 və 2026-cı illərdə 1 milyard dollar, sonra daha 2 milyard dollar alacaq. İnvestisiya müqabilində “Volkswagen” şirkəti “Rivian” texnologiyasına çıxış əldə edəcək və ondan elektrik avtomobillərinin hazırlanmasında istifadə edəcək.
Sövdələşmə konsernin proqram təminatı işlənməsi bölməsini gücləndirməyə imkan verəcək, “Rivian” isə “maliyyə yastığı” alacaq.
“Volkswagen” – “Rivian”da pay alan ikinci avtomobil istehsalçısıdır, CNBC yazır. Şirkətin 2021-ci ildə birjaya çıxanda “Amazon”dan başqa ən böyük səhmdarı “Ford” (12%) olub. Sonradan onu 1%-ə endirib.
