Britaniya donanmasının “şübhəli yanaşma” olaraq xarakterizə etdiyi Qırmızı dənizdə Yəmən sahillərində insident baş verib.
Oxu24.com xəbər verir ki, bu barədə məlumat Britaniya Hərbi Dəniz Qüvvələrinin Böyük Britaniya Dəniz Ticarət Əməliyyatları İdarəsinin (UKMTO) saytında yer alıb.
"UKMTO 096 Şübhəli Yaxınlıq İnsidenti üçün Alert." UKMTO Yəmənin Moha şəhərindən 13 km cənub-qərbdə insident barədə məlumat alıb”, - UKMTO portalı bildirib.
Hadisənin təfərrüatları açıqlanmır.
İyunun 23-də Yəmənin Niştun şəhəri yaxınlığında Ədən körfəzi ilə üzən gəmi qəza siqnalı göndərib. UKMTO nümayəndələri dəqiqləşdiriblər ki, siqnal göndərilən vaxt gəmi qeyd olunan yaşayış məntəqəsinin sahilindən 96 dəniz mili cənub-şərqdə olub.
İyunun 19-da Yunan şirkətinə məxsus və Liberiya bayrağı altında Hindistana gedən “Tutor” gəmisi Yəmən yaxınlığındakı Qırmızı dənizdə batıb.
Yəmən sahillərində baş verən hadisələrin arxasında üsyançı hərəkat olan Ənsar Allah (husilər) ola biləcəyi güman edilir. Qəzzada qarşıdurmanın şiddətlənməsindən sonra husilər İsrailə mümkün hücumlar və Fələstin anklavında əməliyyat başa çatana qədər əlaqəli gəmilərin Qırmızı dəniz sularından və Bab əl-Məndəb boğazından keçidini əngəlləyəcəklərini açıqlayıblar.
Bundan əvvəl husilər Hayfa limanında ticarət gəmilərinə hücum etmişdilər.
Nigar
