Alimlər hüceyrələrin qocalmasının əsasında hansı mexanizmin gizləndiyini aşkar ediblər

Kvinslend və Kaliforniya universitetlərinin alimləri aşkar ediblər ki, doğuşdan qocalığa qədər gen aktivliyinin dəyişməsi prosesi xüsusi aktivator protein olan AP-1 tərəfindən tənzimlənir.

32gun.az bildirir ki, Araşdırmanın nəticələri Cell Metabolism jurnalında dərc olunub .

Alimlər müəyyən genlərin insanların yetişmə, böyümə və qocalma proseslərindən məsul olduğunu izah etdilər. Onlar aydınlaşdırıblar ki, xüsusi tənzimləyicilər orkestri idarə edən dirijor kimi hər hüceyrədə genlərin aktivləşməsinə və inaktivləşməsinə nəzarət edir. Bəzi genlərin "açılması" gənc yaş üçün xarakterikdir və onların zəifləməsi təbii qocalmanı göstərir.

Tədqiqat zamanı alimlər aşkar ediblər ki, AP-1 adlı aktivləşdirici zülal müəyyən genləri “susdura” və ya onların ifadəsini artıra bilər. Tədqiqatçılar bütün növ hüceyrələrdə qocalma prosesini tətikləmək qabiliyyətinə malik olduğunu irəli sürdülər. Alimlərin fikrincə, AP-1 təkcə orqanizmin insanlar üçün xarakterik olan aşınması səbəbindən deyil, həm də stress və iltihabi proseslər nəticəsində aktivləşir. Bu o deməkdir ki, qocalmanın sürətlənməsi sağlamlıq vəziyyətinin pisləşməsi və ya əlverişsiz ətraf mühitə məruz qalmanın nəticəsi ola bilər.

Alimlərin fikrincə, onların kəşfi qocalma prosesinin molekulyar əsasının nə olduğunu daha yaxşı anlamağa imkan verir. Tədqiqatçılar, AP-1-i yatıran dərmanların qocalıqda gözlənilən ömrü və sağlamlığı yaxşılaşdırmağa kömək edə biləcəyini təklif ediblər.

Ayxan 

• Proses
• Alimlər
• Hüceyrələr
• Qocalma
• Gen Aktivliyi
• Ap-1