“Qarabağ” nümunəvi mövsüm keçirdi. Bununla belə, “Neftçi” böyük ənənələrə malik klubdur və yenidən ölkə çempionu olmağa ehtiyac duyur”. Matc.az xəbər verir ki, bu sözlər “Neftçi”nin hücumçusu Andre Şinyaşikiyə məxsusdu. Braziliyalı forvard ölkəsində “vavel.com” saytına açıqlamasında növbəti mövsümlə bağlı hədəflərini açıqlayıb. 27 yaşlı futbolçu “Qarabağ”la rəqabət aparmaq istədiklərini bildirib: “Diqqətimiz çempionluq hədəfinəı yönəlib. Bunun çox çətin iş olacağına şübhəmiz yoxdu. Lakin biz özümüzü müdafiə edirik. Ancaq biz bu böyük klubun şərəfini qoruyuruq və onu ən yaxşı şəkildə şərəfləndirməliyik. Bir nömrə idik, amma “Qarabağ” bu mövqeyi əlimizdən aldı. Azarkeşlərimizə hədsiz sevinc bəxş etmək istəyirik. Bunun üçün mövsümün əvvəlindən mübarizə aparmalıyıq”. Qeyd edək ki, Azərbaycan Premyer Liqasında 2024-25 mövsümü avqustun 2-də start götürəcək.
“Neftçi”nin braziliyalısı: “Qarabağ” bu mövqeyi əlimizdən aldı
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
