ABŞ-ın texnologiya şirkəti olan Microsoft-un aprel-iyun dövründə gəliri 15 faiz artdığı halda, xalis mənfəəti 10 faiz artıb. İyunun 30-da başa çatan üç aylıq dövrü maliyyə təqvimində 4-cü rüb hesab edən Microsoft, balans hesabatını açıqladı.
Buna görə şirkətin gəlirləri aprel-iyun dövründə keçən ilin eyni dövrü ilə müqayisədə yüzdə 15 artaraq 64,7 milyard dollara çatıb. Microsoft ötən ilin aprel-iyun dövründə 56,2 milyard dollar gəlir əldə edib. Bu müddət ərzində şirkətin gəliri bazar gözləntilərini üstələyib.
Microsoft-un xalis mənfəəti eyni dövrdə yüzdə 10 artaraq 22 milyard dollara çatıb. Ötən ilin eyni dövründə şirkətin xalis mənfəəti 20,08 milyard dollar olub. Şirkətin səhm üzrə qazancı bu müddət ərzində 2,69 dollardan 2,95 dollara yüksəlib. Sözügedən dövrdə Microsoft-un mənfəəti də bazar gözləntilərini üstələyib.
Bulud gəlirlərinin artımı gözləntilərin altında qaldı
Şirkətin “Smart Cloud” gəliri ötən ilin eyni dövrü ilə müqayisədə aprel-iyun dövründə 19 faiz artaraq 28,5 milyard dollara çatsa da, bazar gözləntilərini qarşılaya bilməyib.
Şirkətin Azure və digər bulud xidmətlərindən əldə etdiyi gəlir bu müddət ərzində 29 faiz artıb. Əvvəlki rübdə yüzdə 31 olan Azure və digər bulud xidmətlərində artım bazar gözləntilərindən aşağı olub.
Microsoft-un Baş İcraçı Direktoru (CEO) Satya Nadella şirkətin balans hesabatını qiymətləndirərkən bildirdi ki, şirkətin güclü performansı həm onun innovasiyasını, həm də müştərilərin Microsoft-a olan etibarını əks etdirir:
"Platforma şirkəti olaraq, bu gün biz süni intellekt əsrinə rəhbərlik etməyimizi təmin etməklə genişmiqyaslı platformalarımızda müştərilərimizin kritik ehtiyaclarını qarşılamağa yönəlmişik".
