İlk dəfə Ronaldo və Messisiz... - “Qızıl top"u qazanmağa kimlər daha şanslıdı?

“France Football” həftəliyi 2024-cü il üçün “Qızıl top”a namizədlərin siyahısını açıqlayıb. 4 nominasiya üzrə iddiaçıların kimliyi məlum olub.

Diqqəti daha çox cəlb edən siyahıda 30 futbolçu var. Maraqlıdı ki, onların arasında Kriştiano Ronaldo (Portuqaliya yığması, “Əl-Nəssr”), Lionel Messi (Argentina yığması, “İnter Mayami”) və Kevin De Bruyne (Belçika yığması, “Mançester Siti”) yoxdu. Ronaldo ilə Messinin siyahıya düşə bilməməsinə son 21 ildə ilk dəfə təsadüf edilib. “Barselona”nın 17 yaşlı hücumçusu Lamin Yamal fərdi mükafata iddiaçıların sırasına düşən ən azyaşlı futbolçudu. Ekspertlərin ümumi rəyinə əsasən, braziliyalı Vinisius Junior (Real) ilə ispaniyalı Rodri (Mançester Siti) “Qızıl top”a namizədlər sırasında əsas favoritlərdi.

“Qızıl top”a namizədlərin siyahısı isə belədi:

Cud Bellingem, Kilian Mbappe, Vinisius Junior, Toni Kroos (karyerasını başa vurub), Antonio Rüdiger, Federiko Valverde, Daniel Karvaxal (hamısı “Real”), Ruben Diaş, Erlinq Holann, Filip Foden, Rodri (hamısı “Mançester Siti”) , Emiliano Martines (Aston Villa), Niko Uilyams (Atletik), Qranit Caka, Florian Virts, Aleks Qrimaldo (hamısı “Bayer-04”), Artyom Dovbik, Mats Hummels (hər ikisi “Roma”), Dani Olmo, Lamin Yamal (hər ikisi “Barselona”), Harri Keyn (Bavariya), Vitinya (PSJ), Koul Palmer (Çelsi), Bukayo Saka, Martin Edeqor, Vilyam Saliba, Deklan Rays (hamısı “Arsenal”), Hakan Çalhanoğlu, Lautaro Martines (hər ikisi “İnter”), Ademola Lukman (Atalanta).

Fərdi mükafata iddia edən 10 gənc futbolçunun siyahısı belədi:

Lamin Yamal, Pau Kubarsi (hər ikisi “Barselona”), Alexandro Qarnaço, Kobbi Maynu (hər ikisi “Mançester Yunayted”), Uorren Zair-Emeri (PSJ), Arda Gülər (Real), Joao Neveş (Benfika), Savinyo (Mançester Siti), Matis Tel (Bavariya), Karim Konate (Zaltsburq).

“Qızıl top”a namizəd olan 10 qapıçının siyahısı:

Dioqo Koşta (Portu), Canluici Donnarumma (PSJ), Qreqor Kobel (Borussiya D), Andrey Lunin (Real), Mayk Menyan (Milan), Georgi Mamardaşvili (Valensiya), Emiliano Martines (Aston Villa), Unay Simon (Atletik), Yan Zommer (İnter), Ronden Uilams (Mamelodi Sandauns).

Fərdi mükafatı qazanmaq şansı olan məşqçilərin siyahısına isə 6 mütəxəssis daxildi:

Karlo Ançelotti (Real), Xabi Alonso (Bayer-04), Xosep Qvardiola (Mançester Siti), Luis de la Fuente (İspaniya yığması), Can Pyero Qasperini (Atalanta), Lionel Skaloni (Argentina yığması).
“Qızıl top”un 68-ci mükafatlandırma mərasimi oktyabrın 28-də Parisdə  keçiriləcək. Təntənəli tədbirdə ilin ən yaxşı futbol klubu da müəyyənləşəcək. Bu nominasiyaya “Borussiya” (Dortmund), “Jirona”, “Bayer-04”, “Real” və “Mançester Siti” daxil edilib.