Aktual.az xəbər verir ki, bunu Gürcüstanın Baş naziri İrakli Kobaxidze deyib.
"Bu şəxs ictimaiyyətin gözündə tamamilə nüfuzdan düşüb, o, inqilabi proseslərə qarışmağa cəhd etdi və səyləri uğursuz alındı. Rottun səfərinin müxalifət üçün hansı dəyəri ola bilər, bilmirəm”, - Kobaxidze qeyd edib.
Baş nazir bildirib ki, Bundestaq deputatının səfəri məhsuldar olmayacaq.
Qeyd edək ki, may ayında Tiflisdə "Xarici agentlər haqqında” qanuna qarşı keçirilən etiraz aksiyasında Almaniya, Çexiya, Polşa, Litva və Finlandiya parlamentlərinin xarici əlaqələr komitələrinin rəhbərləri də iştirak ediblər.
Mixail Rott hakim Gürcü Arzusu Partiyasını "gürcü kabusu” adlandırıb və onun sentyabrın 16-da yenidən Gürcüstana səfəri gözlənilir.
