"Liverpul"dan 33 yaşlı niderlandlıya yeni müqavilə

"Liverpul" 33 yaşlı mərkəz müdafiəçisi Vircil van Deyklə müqaviləni uzatmaq istəyir. Matc.az xəbər verir ki, bu barədə məlumatı "X" sosial şəbəkəsində jurnalist Nikolo Sakira paylaşıb. Bildirilir ki, niderlandlı futbolçu müqaviləsinin 2027-ci ilə qədər uzadılmasını istəyir. Van Deykin klubla hazırkı müqaviləsi 2025-ci ilin yayına kimi nəzərdə tutulub. Qeyd edək ki, müdafiəçi 2018-ci ildən "Liverpul"un şərəfini qoruyur. Bu müddət ərzində o, bütün turnirlərdə 276 matçda iştirak edib, 24 qol vurub və 12 məhsuldar ötürmə edib. "Transfermarkt" portalında futbolçunun bazar dəyəri 30 milyon avrodur.