"Bayern Münhen"in qapıçısı Manuel Noyer Almaniya millisinə mümkün qayıdışı ilə bağlı suala aydınlıq gətirib.
Fanat.Az xəbər verir ki, Bundestemin əsas qapıçısı Mark-Andre ter Ştegenin zədələnərək sıradan çıxmasına baxmayaraq, Noyer milliyə qayıtmaq fikrində olmadığını açıqlayıb.
"Bayern & Germany" Münhen nəhənginin kapitanının dediklərini belə çatdırıb: “Bizim ən azı iki əla qapıçımız var - Oli Baumann və Aleks Nübel. Hazırda zədəli olan Bernd Leno və Kevin Trapp da var. Yəni qapıya görə narahat olmağa dəyməz”.
Qeyd edək ki, "Barselona"nın qapıçısı ter Ştegen La Liqanın "Vilyarreal"la oyununda aldığı ağır zədə səbəbindən uzun müddətə sıradan çıxıb.
Noyer AÇ-2024-dən sonra millidəki karyerasını başa vurub.
Mirağa
