17 yaşadək qızlardan ibarət Azərbaycanın millisi (U-17) Gürcüstanda təlim-məşq toplanışı çərçivəsində ikinci yoxlama görüşünü keçirib.
Arena.az AFFA-nın mətbuat xidmətinə istinadən xəbər verir ki, U-17 yığmamız Gürcüstanın müvafiq yaş qrupundan ibarət komandası ilə qarşılaşıb.
Gürcüstan Futbol Federasiyasının Rustavi şəhərində yerləşən akademiyasında baş tutan matçda meydan sahibləri 2:0 hesablı qələbə qazanıblar.
Xatırladaq ki, bu komandalar arasında sentyabrın 27-də keçirilmiş ilk yoxlama oyununda da Gürcüstan yığması qalib gəlmişdi – 4:0.
