Azərbaycanda fəaliyyət göstərən banklara ümumilikdə 35 milyard manat depozit yerləşdirilib.
Modern.az Mərkəzi Banka istinadən xəbər verir ki, depozitlərin 60,3 faizi və ya 21 milyard 112 milyon manatı hüquqi şəxslərin, 39,7 faizi və ya 13 milyard 891 milyon manatı fiziki şəxslərin depozitlərindən ibarətdir.
Fiziki şəxslərin əmanətlərinin 65,6 faizi (9,110.2 mln. manat) milli valyutada, 34,4 faizi (4,781.7 mln. manat) xarici valyutadadır.
Bankların əmanət təkliflərinə nəzər salanda görünür ki, ən yüksək əmanət faizləri Azərbaycan Beynəlxalq Bankı, Bank BTB, Bank VTB, Unibank, Ekspressbank və Yelobankdır.
Bu banklarda bir illik əmanətlər 10-11 faiz arasında dəyişir.
Ən aşağı əmanət faizləri isə Xalqbank, Yapıkredit bank və Azərtürkbankdadır.
Yapıkredit bankı 5,5 faizlə, Azərtürkbank 5,5 faizlə, Xalqbank isə 6,5 faizlə əmanət cəlb edir.
Maraqlıdır ki, ən yüksək əmanət faizləri təklif edən Bank BTB və Bank VTB hüquqi şəxslərin depoziti və fiziki şəxslərin əmantələrin həcminə görə banklar arasında sonuncu yerlərdə qərarlaşıblar. İlin ikinci rübünün məlumatına görə bu bankların hər birinə qoyulan əmanətlər 150 milyon manatdan çox deyil.
Ən az faizlə əmanət cəlb edən banklardan sayılan Xalqbank depozitlərin həcminə görə 4-cü yerdədir.
Depozit və əmanətlərin həcminə görə ilk üçlükdə Azərbaycan Beynəlxalq Bankı, Kapitalbank və Paşabank qərarlaşıb.
