İsrail hərbçiləri Livanın cənubunda şiə Hizbullah hərəkatının Radvan xüsusi təyinatlı qüvvələrinin qərargahının yerləşdiyi və İsrailə hücumda istifadə üçün hazırlanmış silah, sursat və motosikletlərin saxlandığı 800 metr uzunluğunda yeraltı möhkəmləndirilmiş tikili aşkarlayıb.
"Operativ Media" xəbər verir ki, bu barədə İsrail Müdafiə Qüvvələrinin (IDF) mətbuat xidməti məlumat yayıb.
"Livanın cənubunda əsgərlər Hizbullahın Radvan qüvvələrinin komanda mərkəzinin yerləşdiyi 800 metr uzunluğunda yeraltı möhkəmləndirilmiş tikili aşkar ediblər”, - məlumatda deyilir.
İsrail hərbçilərinin sözlərinə görə, Hizbullah bu silah bunkerindən İsraildə “Qalileyanın fəthi” işğal planının bir hissəsi kimi istifadə etmək niyyətində olub və qəsdən yeraltı komandanlıq mərkəzi yerləşdirib.
