“Sabah”: Ərdoğan “Tarix zülmə qarşı susanları bağışlamayacaq” dedi
Türkiyə prezidenti Rəcəb Tayyib Ərdoğan Braziliyada keçirilən G-20 Zirvəsi ilə bağlı açıqlamalar verib: “Tarix Qəzzadakı vəhşiliyə - bu zülmə qarşı səssiz qalanları bağışlamayacaq”.
“Hürriyet”: Nazir Bolat “İnkişaf Yolu Layihəsi uğurla tamamlanacaq” dedi
Ticarət naziri Ömər Bolat Türkiyə, İraq, Qətər və Birləşmiş Ərəb Əmirliklərinin imzaladığı İnkişaf Yolu Layihəsilə bağlı bildirib: “Bu böyük layihə ortamüddətli perspektivdə uğurla başa çatacaq”.
“Star”: “Bayraktar TB3” dünya aviasiya tarixinə düşdü
“Bayraktar TB3” silahlı pilotsuz uçuş aparatı (SİHA) dünya aviasiya tarixinə qısa uçuş-enmə zolağından enən və qalxan ilk PUA kimi düşüb. “TCG Anadolu” Gəmisində həyata keçirilən gəmi uçuş sınağı uğurla başa çatıb.
“Haber Türk”: Türkiyə kruiz turizmində cazibə mərkəzidir
2024-cü ilin ilk 10 ayında Türkiyə limanlarına üz tutan kruiz gəmilərinin sayı keçən ilin eyni dövrü ilə müqayisədə 3,7 faiz artaraq 1112, kruiz sərnişin sayı isə 26,8 faiz artaraq 1 milyon 766 min 323 nəfərə çatıb.
“Vatan”: Tarsus Qastronomiya Mərkəzi tez-tez ziyarət edilən məkana çevrilib
Türkiyənin Mersin rayonunun Tarsus səmtindəki tarixi Siptilli Çarşısında açılan Qastronomiya Mərkəzi qısa zamanda dad həvəskarlarının tez-tez gəldiyi yer olub. Ziyarətçilər keçmişin izlərini daşıyan tarixi atmosferdə Adana və Mersinin yerli ləzzətlərini dadırlar.
