ABŞ-nin yeni seçilmiş prezidenti Donald Tramp vəkil Metyu Uitakeri ABŞ-nin NATO-dakı daimi nümayəndəsi vəzifəsinə irəli sürüb.
"Unikal" xəbər verir ki, Uitaker də az xarici siyasət təcrübəsi olan namizədlərdəndir.
“Mett güclü döyüşçü və Birləşmiş Ştatların maraqlarının inkişaf etdirilməsini və qorunmasını təmin edəcək sadiq vətənpərvərdir. Mett NATO-dakı müttəfiqlərimizlə münasibətləri gücləndirəcək və sülh və sabitliyə qarşı təhdidlər qarşısında möhkəm dayanacaq. O, Amerikanı birinci yerə qoyacaq”, – Tramp açıqlamasında bildirib.
