Ermənistan 78 ədəd ATAGS yedəkli artilleriya sistemi almaq üçün Hindistanla danışıqlar aparır.

Reyting.az xəbər verir ki, bu barədə “Indian Defense Research Wing” (IDRW) yazıb.

“Bu, əvvəllər Ermənistana təhvil verilmiş, ölkənin müxtəlif landşaftlarında müstəsna imkanlar nümayiş etdirən ATAGS-in uğurlu fəaliyyətinin nəticəsidir. Altı haubitsadan ibarət ilk partiya Ermənistanda həm yüksək dağlıq ərazilərdə, həm də düzənliklərdə geniş sınaqdan keçirilib. Sınaqlar uzun məsafələrdə dəqiqliyi və yüksək etibarlılığı təsdiqləyib, bu da Ermənistan hakimiyyətini daha geniş miqyasda satın almağı düşünməyə vadar edib”, - deyə məlumatda qeyd olunur.

Ermənistan Müdafiə Nazirliyi ATAGS-ın növbəti partiyasını təkmilləşdirmək üçün hərbçilərin istəklərini birləşdirməyə sadiqdir. Artıq sistemə daxil edilmiş diqqətəlayiq xüsusiyyətlər arasında silahın işini asanlaşdıran erməni dilində interfeys də var. Ermənistan ordusunun artilleriya sistemini onun xüsusi tələblərinə uyğunlaşdırmaq üçün kiçik təkmilləşdirmələr təklif edəcəyi gözlənilir.

Nəşr xatırladıb ki, əvvəllər Ermənistan Pinaka qurğuları və digər müdafiə silahları alıb.

ELÇİN