Avropa İttifaqının 27 ölkəsinin daimi nümayəndələri Ukrayna münaqişəsinə görə Rusiyaya tətbiq edilən 15-ci sanksiyalar paketi ilə bağlı razılığa gəliblər.
Oxu.Az TASS-a istinadən xəbər verir ki, bu barədə Macarıstanın Aİ Şurasındakı nümayəndəliyi məlumat yayıb.
"Səfirlər Rusiyanın Ukraynaya təcavüzünə cavab olaraq 15-ci sanksiyalar paketini indicə razılaşdırıblar", - deyə bəyanatda bildirilir.
Qeyd edilir ki, yeni tədbirlər paketinə fərdi sanksiyalar daxildir. Sənəd, həmçinin Rusiya Federasiyasına yardım edən üçüncü ölkələrin məhkəmələrinin fəaliyyətini məhdudlaşdırır.
