“AzerGold” rəhbərliyinin ötən il üzrə qazancı məlum olub.
Valyuta.az xəbər verir ki, 2023-cü ildə dövlət şirkətinin sədr və sədr müavinlərinə ümumilikdə 2,2 milyon manat ödəniş edib.
Bu ödənişlərin 258 min manatı əmək haqları, 413 min manatı sosial sığorta ödəmələri, 1 milyon 530 min manatı isə qısamüddətli mükafatlar təşkil edib. Sosial sığorta ödəmələri çıxıldığı halda “Azergold” rəhbərliyinin birbaşa əldə etdiyi vəsait 1 milyon 788 min manat təşkil edib.
Qeyd edək ki, “Azergold”un sədri Zakir İbrahimov, müavinləri - Xəyyam Fərzəliyev və İlqar Cəlilovdur. Yəni, rəhbər heyət 3 nəfərdən ibarətdir. Bu isə o deməkdir ki, orta hesabla Zakir İbrahimov və müavinlərinin bir illik gəliri 596 min manat, aylıq gəliri isə 49,6 min manatdır.
2022-ci ildə bu rəqəmlər müvafiq olaraq 905 min manat və 75,4 min manat təşkil edib.
Nara
