Azərbaycanın II Liqasında “Ayın qolu” layihəsi çərçivəsində “Hypers Guba” futbol klubunun üzvü Cavid İmamverdiyev mükafatlandırılıb.
Fanat.Az xəbər verir ki, bu barədə Peşəkar Futbol Liqasının mətbuat xidməti məlumat yayıb.
Noyabr ayının ən yaxşı qolunun müəllifinə mükafatları XIII turun "Şimal" - "Hypers Guba" oyunundan əvvəl Peşəkar Futbol Liqasının Yarışların təşkili və qeydiyyatı şöbəsinin müdiri Elçin Mehtiyev təqdim edib.
Qeyd edək ki, 34 yaşlı İmamverdiyev bu ilin avqustundan "Hypers Guba"da çıxış edir.
