Bu gün Azərbaycan Basketbol Liqasında 8-ci tur start götürüb.
Fanat.Az xəbər verir ki, turun açılış matçında "Neftçi" ilə NTD üz-üzə gəlib.
A qrupunun autsayderlərinin oyununda "ağ-qaralar" qələbə qazanıblar - 81:68.
Komandalar arasında ilk dövrədə baş tutan görüşdə isə Tahir Baxşıyevin baş məşqçisi olduğu NTD 66:63 hesablı qələbə qazanmışdı.
Qeyd edək ki, dekabrın 21-də keçiriləcək turun digər oyunlarında "Sabah" "Abşeron"u, "Lənkəran" "Quba"nı, "Naçıvan" isə "Sərhədçi"ni qəbul edəcək. Dekabrın 22-də isə "Gəncə" "Ordu" ilə, "Sumqayıt" isə "Şəki" ilə üz-üzə gələcək.
Azərbaycan Basketbol Liqası
VIII tur
20 dekabr
A qrupu
"Neftçi" – NTD - 81:68 (29:19, 23:13, 19:22, 10:14)
Sərhədçi İdman Mərkəzi
