İsveçrə Aİ-nin Rusiya və Belarusa qarşı 15-ci sanksiyalar paketinə qoşulub.
Bu barədə administrasiyanın mətbuat xidməti məlumat yayıb.
“İsveçrə Aİ-nin qəbul etdiyi əlavə sanksiyaları qəbul edir”, – deyə məlumatda bildirilir.
Sanksiya siyahısına 54 fiziki şəxs və 30 şirkət, habelə Rusiyadan neft daşıyan 52 tanker daxildir.
Bundan əlavə, Belarusdan olan 26 fiziki şəxs və iki təşkilat aktivlərinin dondurulmasına dair məhdudiyyətlərə məruz qalıb.
Qeyd olunur ki, sənəd dekabrın 24-dən qüvvəyə minəcək.
Bundan əvvəl Aİ Rusiyaya qarşı 15-ci sanksiyalar paketini təsdiqləyib.
DOĞRU.AZ
