ABŞ münaqişənin sona çatmasından sonra İsrailin Qəzzanı yenidən işğal etməsini dəstəkləmədiklərini açıqlayıb. Bu barədə İnterpress.az yerli mediaya istinadən xəbər verir. Ağ Evin Milli Təhlükəsizlik Şurasının Strateji Kommunikasiyalar üzrə koordinatoru Con Kirbi Ağ Evdə jurnalistlərin suallarını cavablandırıb.
ABŞ-ın mövqeyini təkrarlayan Kirbi deyib ki, İsrailin Qəzzanı yenidən işğal etməsini dəstəkləmirlər:
“Biz Qəzzanın ərazisinin azaldılması və Qəzza əhalisinin daimi köçkünlüyünün tərəfdarı deyilik”. Kirbi Qəzzada idarənin necə olması lazım olduğuna dair bəzi kritik sualların soruşulması lazım olduğunu vurğuladı.Kirbi Qəzza rəhbərliyinin Fələstin xalqının tələblərinə cavab verməsi lazım olduğunu ifadə edib.
Netanyahu Fələstin administrasiyasının Qəzzanı idarə etməsinə icazə verməyəcəyini bildirib.
Dekabrın 2-də Qüdsdə keçirilən mətbuat konfransında çıxış edən İsrailin baş naziri Benyamin Netanyahu işğaldan sonra Fələstin rəhbərliyinin Qəzzaya qayıtmasına icazə verməyəcəyini açıqlayıb:
“Bir şey dəqiqdir, mən bunu etməyəcəyəm. Fələstin rəhbərliyi terrorla mübarizə aparmır, onu dəstəkləyir. Sülh üçün məşq etmir, İsraili məhv etmək üçün məşq edir. Bu, girməli olan struktur deyil”.
Kirbi dekabrın 4-də ABC News-a verdiyi şərhdə indiki Fələstin administrasiyasının Qəzzanı idarə etmək etibarına malik olmadığını müdafiə edib: “Qəzzada idarə nə olursa olsun, Fələstin xalqının istəklərinə cavab verməlidir və Fələstin administrasiyasının hazırda bu etibarı yoxdur”.
Kirbi bu çərçivədə Qəzzada söz sahibi ola biləcək “islah edilmiş Fələstin rəhbərliyini” görmək istədiklərini ifadə edib.
