Fidan Hacıyeva və Filipp Neylorun gümüş toyu-İtaliyadan xüsusi qonaq Ripalta Bufo - FOTO

Fidan Hacıyevanın Birinci Beynəlxalq Opera Festivalı çərçivəsində Beynəlxalq Muğam Mərkəzinin səhnəsində pedaqoq, əməkdar artist, professor Hüseyn Əliyevin 90 illik yubileyinə həsr olunmuş  "Sənət varisləri" gecəsi keçirilib.

Axşamın aparıcısı, teleaparıcı Saleh Bağırov 50 ildən çox sənətə həsr olunmuş və məşhur artistlərin yetişdirmiş Hüseyn Əliyevin həyat və yaradıcılığından danışıb.

Mezzo Kamera Orkestrinin müşayiəti ilə Azərbaycanın Xalq Artisti Fidan Hacıyeva, Əməkdar Artistlər Fərid Əliyev, İnarə Babayeva, Anton Ferştandt, beynəlxalq müsabiqələrin laureatları Atəş Qarayev, Zümrüd Davudova, Araz Əsədli və İtaliyadan olan xüsusi qonaq, məşhur opera müğənnisi Ripalta Bufo Azərbaycan və dünya klassiklərinin əsərlərini ifa ediblər. Əməkdar Artist Dilarə Əliyeva səmimi sözlər ilə bölüşüb.

Axşamın maraqlı anlarından biri də sevgi etirafı idi!  Fidan Hacıyevanın opera sənətində vizit kartına çevrilən "Karmen" partiyasının ifası zamanı o, qəhrəmanın sözlərini həyat yoldaşı Filipp Neylora ünvanlayıb. Məlum olub ki, bu il onlar ailə həyatının 25 illiyini -gümüş toyunu qeyd edirlər. Beləliklə, o, bu əlamətdar tarixin şərəfinə hisslərini ifadə etməyə qərar verdi. Uzun illərdir ki, Filipp Neylor (Böyük Britaniya vətəndaşı) həyat yoldaşını yaradıcılıqda fəal şəkildə dəstəkləyir. Yeri gəlmişkən, cütlüyün üç övladı var - Emin-Çarlz, Xəyalə-Corciya və Davud - Devid.

Xalq Artisti Fidan Hacıyevanın Vokal Musiqi Məktəbinin təşkilatçılığı ilə Azərbaycan Mədəniyyət Nazirliyi və Dövlət Opera və Balet Teatrının dəstəyi ilə birinci Beynəlxalq Opera Festivalı 27 aprel-3 may tarixlərində keçirilir. Yeddi gün ərzində Bakı və Gəncənin müxtəlif konsert məkanlarında Azərbaycan klassiklərinin və dünya müəlliflərinin əsərləri təqdim olunur.

İnformasiya dəstəyi - Trend.Az, Day.Az, Milli.Az, Azernews.Az, Turkic.World

Məqaləyə dair fotomateriallar: