Qırğızıstanın paytaxtında iğtişaşlar zamanı qurbanların sayı 29-dan 41-ə yüksəlib. Vətəninfo.az xəbər verir ki , bu barədə ölkə hökuməti yanında Respublika KİV-i qərargahı məlumat yayıb.
“Ümumilikdə, 41 zərərçəkən tibbi yardıma müraciət edib, onlardan 11 xəstə mayın 20-də səhər saatlarına stasionar müalicə alır”, – TASS hesabatdan sitat gətirir.
Mayın 19-da 8 əcnəbi də tibbi yardım üçün müraciət edərək Beynəlxalq Tibb Universitetinin klinikasına yerləşdirilib.
Mayın 18-nə keçən gecə Bişkekdə əmək miqrasiyasına qarşı nümayiş zamanı qarşıdurma baş verib. Onlarla insan həbs edilib.
Mayın 13-də, aksiyadan bir neçə gün əvvəl paytaxtın rayonlarından birində hindistanlı və pakistanlı tələbələrlə Bişkek sakinləri arasında kütləvi dava olub.
Rəsmi məlumata görə, hazırda Qırğızıstanın ali məktəblərində Hindistan, Pakistan və Banqladeşdən olan 40 mindən çox tələbə təhsil alır.
Hadisədən sonra Bişkekdə asayişin qorunmasına 2700-ə yaxın polis, o cümlədən 1000-dən çox taqım üzvü cəlb edilib. Paytaxt polis idarəsi şəhərdə vəziyyətin sakit olduğunu və hüquq-mühafizə orqanlarının tam nəzarətində olduğunu iddia edir.
Öz növbəsində Qırğızıstan Ali Məhkəməsinin mətbuat xidməti bildirib ki, məhkəmə Bişkek sakinləri və əcnəbi tələbələrin iştirakı ilə iğtişaşlardan sonra dörd Misir vətəndaşının ev dustaqlığına buraxılması barədə qərar qəbul edib.
