Moskva Nevada nüvə poliqonunda subkritik sınaqlarla bağlı vəziyyəti diqqətlə izləyir.
HİT.az xəbər verir ki, bunu Rusiya xarici işlər nazirinin müavini Sergey Ryabkov bildirib.
"Biz Amerikanın nüvə poliqonunda baş verənləri yaxından izləyirik, əlbəttə ki, ABŞ administrasiyasından gələn bütün ictimai siqnalları qeydə alırıq: nə qədər ki, Birləşmiş Ştatlar tam şəkildə miqyaslı nüvə sınaqları aparmır, Rusiya da bu siyasətə sadiq qalacaq", deyə nazir müavini bildirib.
Onun sözlərinə görə, subkritik sınaqlar ABŞ nüvə arsenalının komponentləri və sistemlərinin iş qabiliyyətinin yoxlanılması çərçivəsində həyata keçirilir.
"Ancaq biz onu da qeyd edirik ki, ictimai sahədə vaxtaşırı onun gələcək inkişaf imkanlarının, o cümlədən təkcə çatdırılma vasitələrinin deyil, həm də döyüş başlıqlarının nəzərdən keçirildiyinə dair siqnallar görünür", deyə Ryabkov əlavə edib.
Energetika Departamenti nəzdində ABŞ Milli Nüvə Təhlükəsizliyi İdarəsi bildirib ki, ABŞ nüvə başlıqlarının vəziyyətinin monitorinqi çərçivəsində daha bir "kritikaltı eksperiment" həyata keçirib. Əmin edilib ki, bu cür 34-cü təcrübə nüvə sınaqlarına qoyulmuş moratoriyi pozmur və Nüvə Sınaqlarının Hərtərəfli Qadağası Müqaviləsinin meyarlarına cavab verir, çünki o, "özünü saxlayan superkritik zəncirvari reaksiya"nı ehtiva etmir.
Təcrübənin mayın 14-ü axşam Nevada ştatının Los Alamos nüvə poliqonunda keçirildiyi dəqiqləşdirilib. Əldə edilən məlumatlar, xüsusən, ABŞ nüvə arsenalının təhlükəsizliyini, etibarlılığını və effektivliyini yoxlamaq üçün istifadə edilən simulyasiya modelini təkmilləşdirmək üçün istifadə olunacaq.
Samir
