Autizmin ilk əlamətlərindən biri embrion inkişafı zamanı beynin həddindən artıq böyüməsidir.
Medianews.az oxu.az-a istinadla xəbər verir ki, bu nəticəyə San Dieqodakı Kaliforniya Universitetinin amerikalı nevroloqları və digər ölkələrdən olan həmkarları gəliblər.
Komanda xəstəlikdən əziyyət çəkən 10 körpənin və altı sağlam uşağın qanından kök hüceyrə götürüb.
Dərin autizmi olan uşaqlar embrion inkişafı zamanı həddindən artıq beyin genişlənməsi göstəriblər. Alimlər belə qənaətə gəliblər ki, autizmin yüngül sosial əlamətləri olan uşaqlarda yalnız mülayim artım müşahidə olunub.
Mütəxəssislər həmçinin dərin autizmi olan körpələrdə ilkin eşitmə və somatosensor kortekslərin genişləndiyini aşkarlayıblar. Kəşf hissi və sosial qavrayışla bağlı problemləri izah edə bilər.
