İsa peyğəmbərin çarmıxa çəkildiyi yerdə sensasiyalı tapıntı — FOTO

Arxeoloqlar İsa peyğəmbərin dəfn edildiyi və dirildiyi deyilən yerdə çoxdan itmiş qurbangah aşkar ediblər. Tapıntı Qüdsdəki Müqəddəs Qəbir kilsəsi yaxınlığında görülən işlər zamanı aşkar edilib.

Səkkiz fut uzunluğunda və beş fut enində olan daş, orta əsrlərdə romalılar tərəfindən istifadə edilən lent dizaynı və fərqli yazılarla bəzədilib. Qurbangahın 1149-cu ildə hazırlandığı ehtimal olunur.

Hesab edilirdi ki, qurbangah 1808-ci ildə baş verən yanğın zamanı məhv olub. "Tarixçilər üçün bu kəşf bir çox cəhətdən sensasiyadır" deyə kəşfi edən Avstriya Elmlər Akademiyasının komandası bildirib.

"Daily Mail" qeyd edir ki, Müqəddəs Qəbiristanlıq Kilsəsinin yerləşdiyi yer İsanın çarmıxa çəkildiyi və məzarının olduğu yer hesab olunur və hər il təxminən dörd milyon insan tərəfindən ziyarət edilir.

Diametri təxminən 5400 fut olan kilsə eramızdan əvvəl 335-ci ildə Veneranın ilahəsinə həsr olunmuş Roma məbədinin üstündə tikilib. Tikintiyə Roma İmperatoru I Konstantinin əmri ilə başlanılıb və yenidən qurulma zamanı təxminən 300 il əvvəl vəfat etmiş İsaya aid olduğu güman edilən bir türbə aşkar edilib.

Müqəddəs Qəbiristanlıq Kilsəsi əsrlər boyu hücuma məruz qalıb, 614-cü ildə fars ordusu tərəfindən dağıdılıb, 1009-cu ildə bir hissəsi uçurdulub, sonra isə 1800-cü illərdə qurbangahın itdiyi düşünüləndə yandırılıb.//Lent.az