Rusiyanın Rostov vilayətinin Kamenski rayonunda yanacaq anbarı yanıb.
APA yerli mətbuata istinadən xəbər verir ki, bu barədə vilayətin qubernatoru bildirib.
Anbarın PUA hücumu nəticəsində yandığı vurğulanıb. Ölən və yaralananlar yoxdur.
***
08:58
Ukrayna Silahlı Qüvvələri Rusiyanın Rostov vilayətində neft bazasına hücum edib.
APA Rusiya KİV-ə istinadən xəbər verir ki, Kamenski rayonunun Molodejnı kəndi yaxınlığında yerləşən neft bazasına hücum gecə saat 3 radələrində baş verib.
Hücum zamanı iki pilotsuz təyyarə neft bazasının ərazisinə düşüb. Yanğın başlayıb.
Ölən və yaralananların olmadığı bildirilir. Hazırda iki yanğınsöndürən briqadası hadisə yerindədir.
