Rusiya Prezidenti Vladimir Putin ölkə Silahlı Qüvvələrinin (SQ) şəxsi heyətinin sayının 180 min nəfər artırılması haqqında fərman imzalayıb.
“Report”un Rusiya bürosunun məlumatına görə, sənəd dekabrın 1-dən qüvvəyə minir.
Beləliklə, Rusiya Silahlı Qüvvələrinin ştat sayı 1,5 milyon hərbi qulluqçu da daxil olmaqla 2 389 130 nəfərə çatdırılıb.
Sonuncu dəfə Rusiya Silahlı Qüvvələrinin ştat sayı 2023-cü ilin dekabrında dəyişib. O zaman bu say 170 min nəfər artırılaraq 2 209 130 nəfərə çatdırılıb.
