Müəllif: Gülnar Əhmədli, Banco.az
Azərbaycanda bu ilin yanvar-sentyabr aylarında daşınmaz əmlakın icbari sığortası üzrə 66 milyon 385 min manat sığorta haqqı yığılıb.
Banco.az bu barədə Azərbaycan Mərkəzi Bankına istinadən xəbər verir.
Hesablamalarımıza görə, bu, illik müqayisədə 0,5% azdır. Ötən ilin yanvar-sentyabr aylarında bu növ üzrə sığorta yığımlarının məbləği 66 milyon 704 min manat təşkil edib.
Qeyd edək ki, hesabat dövründə bu növ üzrə sığorta ödənişlərinin məbləği isə 2023-cü ilin eyni dövrü ilə müqayisədə 2 milyon 479 min manat və ya 51,2% azalaraq 2 milyon 366 min manat olub.
