Amerika Birləşmiş Ştatları Hakimiyyət orqanlarının Avropa Birliyinə üzvlük danışıqlarından imtina etməsinə və nümayişçilərin zorla dağıdılmasına cavab olaraq Gürcüstanla strateji tərəfdaşlığını dayandırıb. .
Bu barədə ABŞ Dövlət Departamenti məlumat yayıb.
Bəyanatda bildirilir ki, hakim “Gürcü arzusu” partiyasının Aİ-yə üzvlük prosesini dayandırmaq qərarı gürcü xalqına verdiyi vədlə ziddiyyət təşkil edir. Bununla da hakimiyyət ölkəni Kreml qarşısında daha həssas vəziyyətə salıb.
Bundan əlavə, Birləşmiş Ştatlar Tbilisidə nümayişçilərin zorla dağıdılmasını pisləyir və bütün tərəfləri etirazların dinc xarakter daşımasını təmin etməyə çağırır. “Gürcü Arzusu”nun hərəkətləri ABŞ-la ümumi dəyərlərə və demokratiyaya, qanunun aliliyinə və s. sadiqliyə əsaslanan strateji tərəfdaşlığın əsas prinsiplərini pozdu.
"Nəticədə Birləşmiş Ştatlar bu mexanizmin fəaliyyətini dayandırıb", - Dövlət Departamenti qeyd edib.
Oxuməni.az
