Xocavənd rayonunun Tuğ kəndi işğaldan azad edildikdən sonra ilk dəfə buradan toplanmış Xındoqnı üzüm sortlarından şərab hazırlanıb.
Bunu "Report"a açıqlamasında Dövlət Turizm Agentliyinin mətbuat katibi Gülnar Mustafayeva bildirib.
Onun sözlərinə görə, indiyə qədər həmin şərabdan 2 min litr istehsal olunub.
"Şərab hələlik satışa çıxarılmayıb. Onun həm ölkə daxilində satışı, həm də ixracı nəzərdə tutulub", - deyə o qeyd edib.
